香港电台《一分钟阅读》第2471期讲咗一个古仔，叫做《坐霸王车嘅代价》：
十二年前，一个中国大陆青年去法国留学。佢发现当地公共交通系统嘅售票处系自助嘅，即系话你想去边个地方，根据目的地自己买飞，车站就不设检票口，亦都冇检票员，连随机性嘅抽查都非常少。佢估算咗一下呢，坐霸王车而俾查到嘅比例大概只有万分之三。从此之后，佢就经常唔买飞坐车啦。
四年之后，呢位青年佢以优秀嘅学业成绩大学毕业。佢充满自信，向欧洲一啲嘅跨国公司求职，佢知道呢一啲嘅公司都系度积极咁开发亚太市场。求职大都先热情咁要佢等消息，几日之后又都会婉言相拒。佢认为呢一啲嘅公司种族歧视，排斥中国人。
最后佢忍唔住闯进某公司人力资源部经理嘅办公室，要求俾一个不录用嘅理由。
经理话：“先生，我哋并唔系歧视你，相反，我哋都好重视你。因为我哋公司一直系度开发中国市场，老实讲，你就系我哋所要揾嘅人。但系我哋查咗你嘅信用记录，发现你有三次坐霸王车被处罚嘅纪录。”中国青年就话啦：“为咗呢一啲嘅小事，你就放弃一个人才？”
“小事？我哋并唔认为呢一啲嘅系小事。我哋相信你虽然只系被捉到三次，不过恐怕你有几百次坐霸王车嘅经历。呢一件事证明咗两点：一、你唔尊重规则，你善于发现规则中嘅漏洞，并且恶意使用。二、你唔值得信任。而我哋好多工作是必须依靠信任进行嘅，正如我哋嘅公共交通系统一样。所以我哋冇办法雇用你。系呢一个国家甚至整个欧盟，你可能都搵唔到雇用你嘅公司。”
青年如梦方醒，懊悔难当。对方最后抌低嘅一句说话系：“道德常常能弥补智力的缺陷，然而，智力却永远填补不了道德的空白。”
