本来我系唔想翻去既，但系唔想翻去既话，就要俾D叔伯兄弟轮番打电话黎骚扰我，好烦噶嘛…，咁埋礼拜五晚黑阿乐叔打电话黎问候果阵我埋“嗯嗯嗯哦哦哦好既好既好既知喇知喇知喇得喇得喇得喇去喇去喇去喇。”
就咁，就算唔想翻都一定要翻，哎。
喇喇霖去冲翻个靓凉，玩多阵游戏差唔多九点零钟就鼠入被窦训觉。
朝早六点零钟就醒黎喇，不过同往日一样索系被窦度唔舍得出黎喇，而家乜天气啊？秋天啊，就黎入冬咁滞喇，时冷时热，冷果阵着多两件厚既衫都觉得有D冷，热果阵就算赤条条剩低条低横都好沟热。
点着无线路由器踎翻入被窦度好似蛇王咁，系度玩手机上网咯。
差唔多八点零钟我先至起身去刷牙洗面，查实我唔想起身既，但系好急啊，再唔起身就要当场开大喇，好弊家伙噶，要死人噶！
哈，解决佐人生大事之后开始执拾家细，其实都冇乜鬼要执，就系稳鞋稳衫。
食埋早餐后，我捻住使唔使带埋身份证翻去，连同妈子果份一齐带埋，毕竟预防万一啊嘛，但系妈子话咯使乜鬼带嗟？米到时唔见沟7佐就好大锅噶。
系系系，鬼叫你系我阿妈咩，听你就系咯，反正我只是一祗永远都生唔大既细路哥黎既。
好，出发！
啊！碌7！唔记得带埋充电宝…嗯…查实带唔带都无谓既，毕竟乡下地方，要信号无信号，要网络无网络，系呢种地方带住手机等同于带住一旧生得好睇D既砖头。
弊在唔系充电宝既问题而系……行到半路先至捻翻我着错鞋喇，本黎想着波鞋翻去，但系结果唔记得佐，着佐平时做野时着既拖鞋，翻翻翻翻翻，翻去换鞋，翻到去……哎呀，平时要着时稳极都稳唔到，唔着时简直阻塞交通。哎呀算罢喇，求其着对凉鞋对付吓喇，又唔系去睇对象，着到咁企理托7咩？
好好好，喇喇霖赶路，妈子系前边等紧我噶。
妈子感冒佐成个礼拜，所以行得好摩，嗯，算啦，行得摩就行得摩喇。
到达目的地后同……亲戚太多我都唔知点称呼，求其倾佐几句分配好坐边部车后差唔多走得喇。
路上倾佐D家常，嗯……具体细节系乜鬼已经唔系好记得咯，我只记得我隔离果个……乜水来哇？嗯，好似我其中的一个阿姐，距摞我开玩笑摞我俾距个仔做反面题材做反面教育，教距个仔千其唔勿学我，唔勿成日玩手机玩游戏，如果唔系就会变成我咁样款，要蚊无蚊，穷到窿，有病唔敢去睇病重要四围借，虽然距没这样说，但我知道都有咁样既成分系入边。
我其实系唔介意距咁样晒我命既，所以我就积极咁同距一起帮距细路进行教育，我知道距非常鄙视我睇我唔起，但如果上天再俾我次机会，我仲会咁样选择，我属于果种识得死都唔怕死既类型。
路途都算顺利唔系几咁塞车，只不过我前边果个轧车几大佬有D路怒症，距系我其中一个阿姐既细仔，我妈子系距大佬度另一部车上，距开紧车经常爆大锅，见到前边几个违法绕道既司机大佬系咁怼，我算系习惯了，毕竟唔系所有轧车既脾气都会好，我惊距会唔会不顾一切踩油门撞沟过去，不过我知道距只系口花花咁，毕竟车上有大有细，距老婆就坐副座，如果真系踩过去真系可能会摞命噶。我捻前边果几个司机大佬都可能急过距，如果大家都控制唔住……啧啧。
搭佐大概成两粒几钟之后先至到临时站点，对于呢度我已经无乜鬼印象喇，毕竟之前最后一次翻黎拜山果阵，我已经十五六岁到咯，而家我经已廿五就黎六咯。
我记得仲要行大概四五十零分钟到？部车行佐大概五分钟到前边排晒长龙咁，D车系咁塞住，我前边既……额，距老婆落车去前边打探情况翻黎话系整紧路，之后绕路到另一条路，我挺距地话好似唔熟唔系好识行，呢两条路我有D印象。
我记得好似我系我细过果阵大概四五岁到黎过呢度玩，果阵好似乐叔要搭客定系送货？顺路带埋我同两个阿哥，我同两个阿哥系度玩果种，一支铁丝拉长，前边整成半个正方形既钩，跟住再摞条长多D既铁丝围成一个圈，然后用钩钩住个铁圈推住个圈走，当时系农村都几流行噶。
部车经过果条路真系思绪齐齐涌黎，再经过一排泥屋，再次思绪万千，捻翻起细过果阵系度同D同学仔玩捉依因，几趣至的哈哈哈哈。
路上睇到一片片既水稻同埋蔗林同蕉林，我捻翻起细过果阵有时会同D隔离村既同学仔或者唔识得既细蚊仔系蕉林摘D蕉仔，斩D蔗食，俾发现佐最多就系俾D大人闹一餐，教育下。
★更多思绪过程省略……★
终于兜兜转转黎到我以前最熟悉而家最陌生既村落，睇到以前最中意爬上龙眼树摘龙眼食既龙眼树已经唔见佐，我隔离果个阿姐话系俾乐叔斩钩7佐，至于点解要斩佐，听乐叔话呢度经常会有细路哥爬树摘龙眼跌落树受伤，至于教育咯？细路哥又点会听你讲啊，左耳入右耳出，直程当你无到，所以距讲树斩佐咯。
啊，又到佐尴尬时刻，到达目的地后见到一大班亲戚，好多熟口熟面，但系又叫唔出乜名点称呼，啊啊啊啊头都痕埋。
啊，呢个叫阿婶，果个叫阿婶。
啊，呢个叫阿叔x1，呢个叫阿叔x2，呢个叫阿叔x3，呢个叫阿叔x4，呢个叫阿叔x5，呢个叫阿叔x6，x7，x8，x9……我数到边度了？嗯……我究竟有几个阿叔？上边既数据应该唔系好正确。
啊，呢个叫阿哥x1，x2，x3，x4，x5，x6，x7……额……我数度边度了？我究竟几多个阿哥？我爷爷同爷爷既阿爸同爷爷既爷爷究竟有几得生？喵喵喵？？
啊，呢个叫伯x1……嗯，好彩，听我隔离果个阿姐话中油好多个阿哥阿伯阿叔阿姐阿婶阿母舅公舅母侄子xN仲未翻黎，如果唔系会更加热闹，唔单只更热闹，仲会更加尴尬，我捻距地应该系避免尴尬所以“大部队”们都无即刻翻黎，而系分批次咁翻黎，若不然大家都唔使拜山了，直接举行“尬聊排队”。
好，认佐兼且叫佐唔少称呼后，终于可以甩身喇，摞晒工具排队上山见祖宗。
上山都算顺利，就系路长少少，辣鸡比较多吉得手痛，就好似俾好多猫划损佐手，留低好多抓痕咁样。
而且仲要因住果D斩佐一半既树干树根之类既野，就惊住一个唔该大吉利是咁癞佐野，黎个透心凉，就咁无喇喇去佐买咸鸭蛋咯。
第一个拜的好似系太爷？太爷旁边仲有两个，一个系距大老婆，挨住距旁边，另一个系距细老婆？挨住大老婆。
阿叔阿伯阿哥阿婶将墓边D草用锄头斧头斩柴刀揦晒之后，系目前用锄头锄松D土方便插香同蜡烛。
跟住就系大家轮番装香祈求平安咯，以前埋葬用既野好简单，就系将骨灰装入骨灰罐随便稳个地方埋落去，装入骨灰罐就咁埋住半边？或者系一个闹市埋落，但系随著时间既流逝，闹市变成佐阴暗密林？反正我细细过时就从唔敢行夜路，就算系大过佐咯，廿五六了都不系好敢行夜路。
到我装香咯，好似装香唔分顺序既，你想第一个装或者最后一个装都无所谓？咁求其？但系无论你前定后，都一定要装注香先至走得。
我睇D从城市黎既亲戚们都好似系摞一扎香两只蜡烛求其拜下，将香同蜡烛插落土度？嗯，随便啦，只不过系走过场嗟嘛。
拜完呢个，拜另一边，就系隔离，行十步路就到了，真系“十步”，左脚行出算一步，右脚行出算一步，一共十步。
拜完第二个准备走喇，点知后边有人大呼小叫，话系着火喇！
哇！好大锅！如果烧起黎走唔甩身既话可能就会引发严重既山火，而家秋季烧的特别旺盛，好难灭火噶，可能全体装香既人就都要落去陪祖宗倾计咯，虽然我只系大脑活跃过头，意思嗟话“想太多”。
啱啱赶到时火就已经被扑灭了，大吉利是，祖宗唔勿怪罪，千其唔勿稳我，我只系大脑思维活跃过头嗟！
跟住就分散黎拜各自既阿爷了，我就跟住几个阿哥走啊走，走啊走，用手上既斩柴刀斩开挡路既树枝野草腐竹，拜完呢个x1，拜完呢个x2，拜完呢个x3，拜完呢个x4……嗯差唔多了，天色已经黑到伸手唔见五指。
我听到妈子话想托乜谁买乜鬼保，但系要身份证先至可以搞到，我突然捻翻起我朝早时话要带身份证为佐预防万一，但系……啊，我乜都唔知，我乜都听唔到，乜都见唔到。
拜祖宗图中睇到一大片杨桃树，杨桃树下边跌落佐好多杨桃，我睇到都觉得肉赤，直程系浪费资源啊。
我听两个阿哥话喔，距地种既呢D杨桃距地都唔知点算喔，种佐又卖唔出，运费贵，山卡拉地方无人黎买。唔怪得知喇，原黎系咁，之前我系网上睇到新闻话边度边度种佐好多水果卖唔出，好多人都话系小编乱嗡廿四，我当时都以为系乱嗡廿四，但系睇到呢度咁样，我开始有D信喇，有句话叫做未见过唔一定冇，见过唔一定真，但系而家我信喇，但系信又点？我冇钱收距地种D水果，如果唔系，D水果又甜又多水又索爽，几个阿哥话带多D翻去喇，最好就系带几个蛇皮袋将D水果统统带翻去，听距地咁讲，好似要我顺便带几樖树翻去种，反正呢度D水果距地已经食到反胃喇，带树？我都无地方种。
食完饭后，休息佐一阵就坐车翻去咯，打车路上我唔敢训，就怕一个唔觉意去卖佐咸鸭蛋。
中途突然谷出一个大招就黎要爆出黎喇啊，系车上我等得好心焦啊啊，我突然醒翻起，朝早系车上听到开车的阿哥话，距地打麻雀时以为要食诈胡，突然话终于见到家乡喇。
我当时未理解到，不过我而家算系理解喇，当见到熟悉既街道，熟悉既公交车站，熟悉既商铺，熟悉既加油站。
“我终于见到家乡喇！”我忍住就黎飞出黎既大招，欢呼雀跃！
落车后，同距地道别之后即刻走翻屋企，至于未乜唔用“跑”？我惊脚迈得太大，一个唔觉意……大招中途出佐黎。
个肚交通得好犀利，好辛苦，但系捻到，“家乡”就系前方，我一定要坚持住，有句话叫做坚持就系胜利！坚持唔住就会失败！
终于……！摞出锁匙！开锁！喇喇霖冲入厕所！！！！！
我终于知道乜鬼叫做“幸福”喇……
