最近沉迷于睇书同煮嘢食，有唔少朋友都问我，你朋友圈搞乜人设，唔同晒。
其实，单身之后真係多咗好多时间，如何填充这些无聊的时间，那就是睇书，煮嘢食了，仲有就係旅游。
上个月底完成咗自己一直谂都唔敢谂嘅事情，就係一个人去旅游，基本上冇人相信我真係一个人去旅游，我有点百口莫辩嘅感觉。个个都话我同边条女去旅游，真係又好嬲又好笑。嬲就係点解冇人信我，去旅游就真係唔可以一个人？笑就係喺大家眼中，我真係咁有异性缘么？
去上海，其实就係完成自己一线城市嘅打卡目标，并冇其他含义，唔係话上海好吸引，唔係话我上海有朋友，真係就想去体验下中国四大一线城市嘅感觉，好幸运自己生在广州，20几年係广州生活真係好开心，我好钟意自己呢个城市，美食，气候，文化呢D我都非常享受，唔讲得上係优越感，但自豪感还是满满的，然后深圳呢？自己出差都去过几次，太方便了，作为南方人真係幸福，至于北京，都係机缘巧合之下入到一间大公司，北上开年会先有机会去到北京开下眼界，帝都之下浓郁嘅不只有文化，还有就是灰霾；你知道吗？站在国贸（果阵唔知几楼，反正好高啦）望住铺天盖地而来嘅灰霾係何其壮观啊！最后我就只剩下上海未曾涉足了，从决定到买机票到订酒店前前后后三十分钟，我就定下来了，可以讲係一场说走就走的旅行；
去上海我只係摞咗3日假，完全冇做任何攻略，只係粗略地睇咗下马蜂窝，去到上海当地先话开始买门票；所有呢次更加多只係蜻蜓点水咁睇下上海市中心嘅容貌，甚至迪士尼呢个地标性嘅景点我都冇去，所有说不上深度了；
係呢度我大概粗略地讲下上海感受，上海俾到我嘅感觉就係，文明有秩序，食饭好Q贵；景点国际化，市容很整洁。
同样生活係大城市嘅我，对于文明秩序嚟讲，係何其矜贵而有奢侈，可能上海人比较要面子吧，不文明不礼貌的事情碍于面子真係唔会做，我搭咗三日地铁，上落班高峰期仲体验一下相当于广州珠江新城嘅陆家嘴地铁站，三日里面并冇睇到任何争先恐后唔排队嘅情况，更加唔会有人厚颜无耻地企係黄线以内中间果个位置了。马路上嘅人极少有人冲红灯，即使左右两边都冇车行过来，又冇交通协管员嘅情况下，路人都係非常耐心地等待直到绿灯才走；此外并冇听到电动车係后面催促的喇叭声，你知道宜家D外卖小哥，一到送饭时间个个都争分夺秒，係后面哔哔哔过不停噶啦，但喺上海嘅外卖小哥真係会系后面慢慢等你行，搞到我自己都唔好意思，让条路比佢行了；垃圾分类呢个试点，可能令到生活係上海嘅人有一种强制意识，随地扔垃圾嘅情况几乎绝迹，处身于呢种环境嘅我，都宁愿行多几步搵垃圾桶掉垃圾了。
讲到食，上海对比起广州真係弟中弟，好食出名嘅嘢真係唔多，云吞、阳春面冇试过，生煎包灌汤包小笼包也不外如是，锅贴係当地很火，就好似小龙虾係广州很火的情况相似，emmm试过之后，我觉得公司附近的煎饺好吃多了！係广州饮早茶都好过钻窿钻旯去上海搵嘢食，可能真係冇当地人带我，食唔到令我印象深刻嘅嘢，係呢度我就唔花笔墨去叙述了~
至于景点，行完南京步行街，真係好多嘢睇，叮叮车不断地从身边行过，望住两旁西式嘅建筑，真係有种置身于电影里面嘅感觉，行过乐高，M&M工厂，商业化之余还是挺有特色的，我两只眼就好似警用摄像头咁，应接不暇真係连及女嘅时间都冇，真係可惜，随住步行街嘅尽头就係外滩了，夜景真係好正，正到自己都忍唔住摞起手机自拍一下，我去嘅时候上海得十几度，凉爽得嚟带点寒意其实都几舒服，正因如此行咗成晚都唔觉得攰；
第二日就去到远近驰名嘅城隍庙，城隍庙唔係一个庙咁简单，其实就係一个商圈，呢度同步行街外滩嘅风格就折然不同了，古色古香，两边亭台楼阁，挂起灯笼好似过年咁，话虽如此但喺都好国家化，因为嚟呢度旅游嘅西人真係好多，基本上行两步就遇到第二个外国旅行团了；城隍庙十蚊鸡门票，入门口就有个大叔派香比你，里面真係满天神佛，乜都有得拜，汤告鲁斯，茱莉亚罗伯斯，英女王之外冇嚟之外，其他果D关二哥，送子观音，月老乜都有得拜...正所谓入屋叫人，入庙拜神，我自己轻轻咁拜咗下，祈求屋企人健健康康顺顺利利就好了；行完城隍庙，就马不停蹄去杜莎夫人蜡像馆了，当时新世界广场正在装修，我搵咗好几个门口先入到去，仲要搭电梯係后门入，感觉好似入传销窝点咁，当时可能我係工作日入去，真係冇咩人，可以咁讲啦，蜡像仲多过人，有一个漫威馆还是让我驻足停留了很久，外国明星我合影得最多了，英女王区都好正，里面还有一个未秃头嘅威廉王子同几只柯基，英女王就喺里面摁摁脚饮紧下午茶等紧我咁，呢度其实冇咩可以讲了，TF boy都有蜡像，脑残粉可以去踩点一下，到咗晚上我深入陆家嘴一个上海GDP最高嘅地方，我买左环球金融大厦嘅观光票，里面真係石屎森林，三栋高到爆嘅大厦，真係唔知边栋打边栋，去咗第三栋先係我买咗票果栋，搭住部电梯真係有种当年搭亚酒铂金升降lift嘅感觉，呼呼声就到顶了，上海嘅夜景真係冇令我失望，美景尽收眼底，睇住呢栋大厦嘅建筑史，真係不由感叹...
最后一日就拖住个夹行田子坊，本以为係个好小资嘅地方，应该好多网红店同咖啡馆，实际上还是有点落差，D街纵横交错，行到我自己都懵懵地好似鬼打墙咁，因为肚饿就随随便便搵嘅bar仔坐落，一杯啤酒+一碟意粉，用咗我108蚊人仔，继续发挥上海食嘢贵夹唔抵嘅特点，500mi嘅啤酒都饮到我兴兴地，老细就问我要唔要叼驴仔西了，哈哈哈，呢度讲笑致敬下《低俗喜剧》，其实就问我边度嚟，我话係广州嚟，佢就打蛇随棍上问我香港宜家点，係咪已经开晒坦克车落去...真係夸鸠张，我话你係咪係微信群睇fake news睇得多啊，解释一大轮之后就问我香港D人做乜咁反动，我觉得要责任地讲，就要从陈同佳係台湾队霖佢女朋友开始讲起了，显然老细冇乜耐心，讲到612游行果阵佢就唔想听去招呼其他人了；不过田子坊真係好大，精品店都好多，同广州嘅永庆坊一样，但田子坊就係永庆坊嘅plus版，由于拖住嘅行李箱，我大概走马观花咁就行翻出来了，因为路窄人又多；趁住仲有时间，就一路步行到徐汇区嘅天主教大教堂，我睇地铁从田子坊到徐汇教堂都係三个站遮，而且係直线距离，应该从陈家祠行到农家所差唔多吧，事实上我真係很傻很天真，足足行咗我成个钟先到，去到人地教堂都关门了，只能係外面兜下兜下咁影下相，係呢度我仲学识延时自拍，将部手机摆係地下，然后自己就跑过对面摆pose，来来回回行咗十几次，成个傻仔咁...
最后讲讲一个人旅游係咩感受，开头我都以为会一种孤独同寂寞咁感受，但喺事实上并不是，一个人嘅时候真係可以享受到片刻嘅安宁，早上训到几点就几点，饿了就随便係街边上搵嘢食，见到靓女可能身边冇F分享唔到，但我可以自娱自乐同自己倾计遮，自己同自己内心讲嘢，例如讲到条好索嘅女，内心：“哇，行紧过嚟条女几正下喔！”自己就会自言自语：“係几正，不过太瘦了，对脚成对筷子咁，我唔係好钟意！”反正带住耳机冇人知道我係咪同人倾电话，而且我讲白话身边有鬼人听得明我讲咩咩~
总言而之，上海係一个值得去第二次嘅地方，不过下次去我真係唔想一个人去了，希望有一个人可以同我去下迪士尼啦，唔係见住一对对情侣同一家大细去玩，真係几触景伤情噶！
