沈山胡子是一个六十几岁的老老头，按照老一辈人的讲法是坟头河（村坊名）人，实际上这个人应该是杜撰出来的，作为故事的主人公讲出来的而已，不管怎么说，我从小就听上辈里讲有关伊的故事了。
20世纪六七十年代每年冬天的光景，生产资料匮乏，家家户户吃食弗多，呒畀吃（没得吃），为了能够过个好年，农户们一般会在年前摇船出去卖甘蔗换点过年铜钿，之前在地里埋着的甘蔗已经长成，按照上辈里话法，阿拉当地的甘蔗品种属于叫塘栖甘蔗，小辰光见到的大多是青皮甘蔗，当然也有那种紫皮甘蔗，我觉得青皮甘蔗比紫皮的要好吃得多了。甘蔗是一种经济作物，有规模种植和工业设备的可以生产蔗糖了，农村里厢自家人可吃不了那么多，但可以卖钞票吖，所以我们村坊上有蛮多人，通过京杭运河或者苕溪水路摇船出去卖甘蔗。一般都是自家窝里亲眷（juan），三四个人乘一只摇橹船，从京杭大运河经崇福、石湾、乌镇、平望、八坼到苏州、无锡、常州、上海等码头去卖甘蔗。
卖甘蔗是件苦生活，以前水路交通发达，河里厢全是船，船和船碰嗒碰，摇船人全要有好技术的，摇船要一路摇去，一个吃力了换另一个摇，又要看牢船来水往，淘米烧饭，值更守夜全要相互照应，所以多一个人手多个便利。沈三胡子是个光棍大佬，伊看见要去卖甘蔗了，会跟村坊上人说：“我反正蹲落窝里呒畀事体做，要是去卖甘蔗，叫我一声，一道去好了！”作为路途照应，村坊上总有几只船会叫伊帮忙烧烧饭，摇摇船，看牢甘蔗不被偷，回转来的时候拨伊点辛苦钿。
沈山胡子也是个大好佬，伊喜欢去流芳桥那边的茶馆临临市面，弗管事东家长西家短，还是世界上的野史，伊全晓得格，大头天话（空话、大话、笑话的统称）伊也会讲！比如伊讲：阿拉乡里从前有个故事，呐(你们)晓得伐？阿拉乡里土话叫“大毛”，大毛街廊走出去，往东南方向三四里地，有个村坊叫“大毛梢头”，本来就是市梢头，从大毛街廊一直到大毛梢头，全是连牢一片格村坊人家，有一日夜里厢，也弗晓得是昂原因，个一片格村坊人家全部飞起来了，此地便剩落一块空地。葛么村坊人家去了啥地方内？原来飞到了北嗨格德清县去了，个地方就是现在格新市！新市人讲闲话，全跟阿拉大毛宁差弗多，伊是伊，我是我，落北是落北，上南是上南，全是阿拉大毛飞去格一块地吖！呐（你们）听听看，呐又弗晓得咯，我懂格比呐要多吖，要听我格闲话：呒畀老娘苦！
大家听到伊讲这种大头天话，特别是说到“呒畀老娘苦！”，都是哈哈大笑，哪怕是心里有多少个想法，都会被这个大好佬一塌刮子笑光了。
