今早仔，对于大多数个年青一代人唻讲伐，由于是身处勒物资丰富个大好时代当中，恐怕就覅一定会晓得“罩子”到底是属于啥个么事哦，要是大家侪能用心去观察一下生活个闲话，还会去发觉存在着迭能个一种现象，迭种现象就是－－当辰光迭部列车走到今早仔个辰光，还勒继续使用各种类型个罩子个人家，正逐渐个变得越唻越少，几乎是呒没人家再去使用，每户人家顶多用个恐怕只剩下床罩！
吾是一个土生土长个上海人，像吾所在个城市上海市，至今为止依旧让吾感觉到记忆犹新个一桩事体，伊到底又会是啥么事？！迭桩事体就是－－勒吾小个辰光，也就是勒吾儿童搭少年个辰光段里向，辰光么，就是勒20世纪80年代至90年代个辰光，对于每户人家唻讲伐，要是勒俗常过日脚个闲话，基本浪向是属于邪气认真仔细个，尤其是对于那些交关爱干净、整齐搭整洁个人家唻讲伐，眼扳数要迭能唻操作个，但凡是认为有那么一眼值铜钿个各类家当，侪会去弄一个罩子，覅单单是迭能样子，还但凡是可以用罩子罩起唻个任何家当，也侪至少会去配备一个罩子，真可谓是无所覅罩，处处侪有罩。
比方讲：勒20世纪80年代至90年代时，但凡是能够使用罩子罩起唻个各类家当，侪是会用罩子去罩一罩。大到床罩，小到台式电风扇罩子、电视机罩子、四喇叭收（录）音机罩子……屋里向有沙发个人家，覅管是单人沙发，还是三人沙发，也会配备一个罩子个，勒一般情况下，沙发罩子侪是勒屋里向量好尺寸以后，去布店买各种零碎个布头拼接，再用缝纫机缝补起唻。某些经济条件稍许好一眼个人家，就会去购买整块布料去缝补起唻，迭个还覅好算数，除忒用沙发罩子罩起唻以外，还会勒罩子个上头或外头，还会另外去放一块薄个垫子，单人沙发放一块薄个垫子，三人沙发放三块薄个垫子，那些考究个人家，垫子，覅是用白颜色个棉纱线结出唻个，就是用绒线结出唻个，而且有许多心灵手巧个上海妇女，还会结出各式各样个“花头经”，棉纱线一般是春秋迭两个季节去使用个，绒线也只有到冬天侪会去使用个。【备注：“花头经”是沪语方言，意思是讲花招搭样式。】
为啥侪要去使用罩子拨罩起唻呢？！只为能更好个说明迭种情况，就让吾唻尝试着列举迭个方面个例子。吾就再拨沙发唻举迭个方面个例子，勒一般情况下唻讲伐，像沙发迭能个一种家具，覅管伊是属于何种样式搭类型个沙发，就是属于邪气覅大容易去清洗个一桩事体，对于大多数个人家唻讲伐，也是覅大可能会去清洗沙发个，即便真个是有心也是无力个。要是讲一年有一趟，就可以算作是邪气好个一桩事体哩，而且一旦沙发拨清洗以后，还覅大容易变干，既为个是干净清爽，又只为防止沙发拨弄脏，变得交关个龌龊，就要勒沙发个外头去套一个罩子，等到套好罩子以后，就变得邪气个清爽干净。勒那些经济条件唻得好一眼个人家，会去配备两套罩子替换着去使用。
吾还要想讲个一句话到底又是啥么事？！就算屋里向个罩子拨弄脏变得交关个龌龊，只要是拥有一个晴朗个好天气，就可以随时随地拿下唻汏汏清爽，一天就能晒干，等到第二天继续可以去使用。
勒上海迭座城市，尤其是对于那些邪气讲究清爽、干净、清洁搭卫生个人家唻讲伐，也是交关欢喜去使用各式各样个罩子个！就勒那个年代个里向，国家执行个还是单休日政策哦，一个礼拜只能休息一天，礼拜天侪是国家个法定休息日，只要是一到礼拜天以后，还只要是勒晴朗个天气，每户人家侪是会“买汏烧”个，汏罩子也就成为一道风景线，会有得交关多个人家用洗衣机汏汏各式各样个罩子。
【备注：上段文字当中个“买汏烧”是一句沪语方言词眼，伊个意思就是讲：既可以是指买菜、洗菜搭烧饭，也可以泛指家庭主妇个厨房生活。上海人，覅管是讲方言也好，还是书写成为书面文字也罢，但凡是要使用到迭个“洗”字个，一律侪会改用迭个“汏”字。】
今早仔个情况，要是搭老底子去做一个对比与比较，就是属于迥然不同个，但凡是亲朋好友之间有各种事体，多数侪是在外头，或者是上饭店，屋里向基本浪向侪是覅去个，勒老底子由于铜钿赚得邪气少，经济覅是交关宽裕个，加之各种饭店也唻得覅是邪气多，有一眼事体大多数侪是勒屋里向，一踏进亲朋好友个屋里向以后，迭户人家干净清爽与否，吾伲只要看看对方屋里向有多少罩子侪会晓得。
要是讲，迭户人家屋里向个罩子使用个是交关多个，就能表明眼扳数就是属于一个爱清爽、干净搭整洁个人家哦。为啥要迭能样子去讲讲呢？！就是因为单单去汏汏各种大大小小个罩子，就是属于邪气辛苦搭吃力个一桩事体，有些大个罩子还是交关笨重个，对于但凡是屋里向拥有各式各样个罩子唻得邪气多个人家而言，就可以从另外一个侧面唻加以印证个，迭户人家只为能够拥有一个交关干净、整洁搭清爽个良好环境，“绝对是覅会在乎”辛苦搭吃力迭桩事体个！
吾至今为止仍然还能清楚个去记得迭能个一桩事体，迭桩事体就是－－就勒掰搿辰光，勒吾个屋里向也同样是使用过各式各样个罩子个，拨过也只是去拥有三种罩子，伊拉分别就是“三人沙发罩子”“四喇叭收（录）音机罩子”搭“十八寸飞跃牌电视机罩子”，像迭些罩子侪是由家母倪榴珍用缝纫机一针一线踏出唻个，只为让罩子变得美观、大方搭好看，家母还特惠勒罩子个正面部位还贴有花案，是卡通动物小熊，至今为止还保留着一只四喇叭收（录）音机罩子，只为便于去区分正反面，母亲就勒正面左右两边，各粘贴有一只小熊。
还记得吾勒实足七岁至八岁左右个辰光，吾所居住个房子就是问房管所借住个低矮个私房，每年进入到冬天时节，“汏浴”基本浪向是勒屋里向，勒掰时侪是呒没浴霸搭淋浴器个，侪是靠烧开个热水唻汏浴个，一般情况是一个礼拜汏一趟，偶尔会去汏两趟个，是用木制高大圆筒来汏浴个，为避免汏浴受冷感冒，就在圆筒个外头去罩一个加厚个浴罩，勒掰时吾是覅会汏浴个，是家母帮忙个，每一趟顶起码要用掉三瓶到四瓶个热水。【备注：上海人拨洗澡叫“汏浴”。】
有关于“罩子”迭桩事体，吾曾经还看到过一部纪录片搭一张老照片。顶早勒1986年上海人侪开始使用电冰箱迭种家用电器，至20世纪90年代初期时，绝大多数个人家侪开始陆陆续续个广泛普及使用电冰箱，有些上海个人家，由于覅是邪气懂个缘故，家中拥有电冰箱以后，竟然会拨电冰箱也去制作并安装一个罩子，专家讲电冰箱一边插电使用中，一边拨伊罩罩子就是覅对个，容易引发爆炸个……
【备注：①：文章为作者原创；②：各种罩子类图片侪是唻源于网络上头；最后两张罩子图片乃是作者家里使用个，一张为收录音机罩子，另一张为空调罩子；③：万分感谢原创图片 。】
杜老倌侠客居（陆伟）写于2019年12月16日礼拜一夜里向
