ཀྱེ་མ་་་་ཀྱེ་འུད
ཐོག་མའི་གོམ་འགྲོས་དང་ལྷན་དུ་ཕྱི་ཐག་ཅིག་ལ་རེ་སྨོན་བཅིངས་བའི་ཕལ་བའི་མི
རུད་པའི་གསེང་ལ་འཐུམས་ཤིང་ཉམས་ཐག་པའི་བེམ་པོ་འདི
སུས་ཀྱང་སྐྱོབས་མ་ནུས་ལ
མཐོང་ཐོས་ཀྱི་སྐྱབས་མགོན་ཞིག་བཙལ་ཀྱིན མུན་པའི་ལུང་ནག་ལ་ལག་པ་བསྲེང་ཤིང་ཁ་གདེང
ཁྱོ་དོན་ངོ་མར་སུ་ཡིན འདང་ངེས་ཀྱི་མྱོང་རོལ་ཞིག་མི་སྤྱིན་ལ
ཡིད་འཚིམས་པའི་ལོངས་སྤྱོད་ཞིག་ཀྱང་ག་ལ་འདུག
དགུང་མོས་མལ་གདན་ལས་བཙན་གྱིས་སྤྲུད་ཤིང ཉིན་མོས་ལས་བྱེད་ཡང་རྒོད་ཀྱིས་བགག
ང་རང་བསྐྱར་ཟློས་གྲངས་མེད་ཀྱི་ཁྲོད་ནས་དྲན་ཁོམ་མེད་པར་འཇིག་རྟེན་གཞན་པ་ཞིག་ལ་རིན་མེད་དུ་བསྐྱལ་སོང
ཁྱོད་ལ་ངོ་དགའ་བྱས་ཆོག་ན་ཅི་མ་རུང ཁྱོད་ལ་གནང་བ་ཞིག་ཞུ་ཆོག་ན་ཅི་མ་རུང
ཐག་ཐག་ཐག་་་་་་་་་
ང་ཐོན་སོང
ངོ་མཚར་བའི་འཇིག་པ་རྟེན་གཞི་འདི་ལ་ཡུལ་སྐོར་ཏུ་འབྱོར་འོང
ཨག་སྐད་དེ་ཁྱོས་བསྩལ་བ་ཡིན་ནམ
ཁྱོས་བསྩལ་ནི་ལོས་ཡིན
ང་ལག་ཆགས་སོང
དུས་ཞིག་གིས་གོམ་འགྲོས་གཞུགས་ལ་ཆོད་ལ་མི་ཆོད་ཁལ་བུད་སོང
ལམ་རྟགས་འདི་ཁྱོས་བཞག་པ་ཡིན་ནམ
ཁྱོས་བཞག་ནི་ལོས་ཡིན
ང་རྒས་སོང
ལྐོག་གྱུར་ཞིག་གི་ལེའུ་མཐའ་མ་དེའི་ཆེད་ཆོས་སྐད་ཞིག་ལ་སྒོམ་ནས་ཁ་འདོན་རེ་བདོན
འཇིགས་སྐྲག་འདི་ཁྱོས་བརྡ་རྟགས་ཡིན་ནམ
ཁྱོས་བརྡ་རྟགས་ལོས་ཡིན
ང་ལ་ཐུགས་རྗེ་ཆེན་མོས་གཟིགས་དགོས ང་ལ་འོད་དཔག་མེད་ཀྱིས་སྐྱོབས་དགོས
གལ་ཆེ་བ་ལ་སངས་རྒྱས་ཁྱེད་ཀའི་ལུང་བསྟན་བདེན་དགོས
༢༠༡༩–༨–༡༦ཉིན་གཞོན་ནུ་ནོར་བཟང་ནས
