咳咳，好耐无动笔，但今晚突然想写翻篇小学生常用作文课题。
老湿话过，写人物要从外貌描述入手，所以~
我的爸爸有一双明亮的大眼睛，鼻子大大，嘴巴小小的，平时总是很严厉的教导我...个“屁"咧！
要形容我老豆，四个关键词足矣：
#老革命#、#地痞#、#酒鬼#、#老烟枪#
· 电视里那些爸爸和女儿很温馨的牵着手过马路的场景，我几乎从未尝试过，除了过马路他才会牵一下我的手，一过完马路时候立即松手几乎各自行路，好细嘅时候我就已经系度霖，阿妈个D半夜恐怖故事里面嘅“拐纸佬”（虏小孩的）点解老豆从来都未曾担心过，好似我真系执翻来咁hea住对待...
· 自细教晓我，TVB是荼毒人脑的电视台，所以吃饭时应该多看CCTV，老革命的情怀表露无疑
· 学校老师要求上网搜集资料，但结果阻住老豆上网打“斯诺克”（十年如一嘅中国游戏大厅线上桌球），而被恶狠狠喷了一脸：“乜X老师，下下都话要用电脑做功课，咁仲洗乜学人教书啊！？”
· 我试过半夜落街找爸爸，因为佢同朋友食完饭饮high咗，00：10，我兜了一圈，在屋企后巷的士多门口，终于系群饮玻璃樽嘅后生仔堆里面，搵到个蜷缩着身子蹲坐的“中”汉（老头）;
· 更试过系禁烟嘅餐厅，因为有个女人连续要求老豆熄烟，差点就同人地老公打起身，最后演变到我妈推着他离店，留下我一个尾后去面对对方的恶言恶语...
· 系地铁度唔觉意同人有小口角，结果因为太理直气壮引来对方全家族出动围剿，然而老豆一拳锤凹咗对方A嘅额头，系派出所赔完医药费，翻来仲可以得得戚咁同你讲，你老豆食过夜粥猴塞雷噶~
· 带佢去电影院睇《美人鱼》，因为剧情太狗屁，系全场最安静嘅时候喷了个粗口中场走人...
在佢身上实在有太多太多的drama，用现在的话说就是——
佢身上有晒所有做网红嘅特质，就只差一夜爆红的机会了。
所以我总担心边日网上会出现一段高点击率视频，而主角正是我老豆...
但咁嘅老豆，佢会好9屎咁话你知：
“你老豆系个有过成千万身家嘅人...”
（然而我仲未体验到富家女嘅感受，就已经破了产，呵呵哒~）
佢会同你讲：条路点行，你自己话事，但你老豆依家提早同你讲定嘅野，起码你唔会行老豆行过嘅路
佢会话你知：人最紧要系识得“责任义务与爱”（简直圣经般存在）
佢会不解，几廿岁人仲乜要为埋晒D1分、2毫嘅微信红包抢来抢去
佢会坚持十年如一日嘅衬衫+西裤，仲有一个搵发胶jiao到好型嘅西装头
做过国企的优秀花朵、也做过大老板，50+嘅佢却情缘做个普通嘅大厦物管佬，睇起身只不过喺得闲抄抄水表出租下房嘅工作，但佢却可以做到自己管嘅大厦成为品牌旗下咁多栋大厦里面，出租率唯一做到100%的例子
好多人睇唔起佢，觉得佢赚唔到钱仲学人99屎。但佢会话：
我见过风浪，破过产，仲有乜嘢痛得过一夜间无晒事业唔晒钱？即使依家平凡，但起码我活得很自在...
由细到大，或许老豆未必系一个好老豆，唔会系英雄，但绝不会是“狗熊”
虽然未曾带来过富裕，但绝对一身正气，提得起胸膛对得住良心，喺呢个“无邪不正、无贪不富”嘅社会，似我老豆呢种奇葩，其实我都今日都未必可以十足咁理解得到佢，但至少比很多踩着道德制高点实则背地去怀揣着贪念的人要更值得去被尊重！
