ཚང་མས་ཤེས་གསལ་ལྟར།ཟླ་བའི་གོ་ལ་ནི་ང་ཚོའི་ཁྱིམ་ཚེས་དང་འདྲ་བར།སའི་གོ་ལ་དང་བར་ཐག་ཆེས་ཉེ་བའི་གོ་ལ་ཞིག་ཡིན་ལ།རང་ཅག་གིས་ཟླ་བའི་གོ་ལ་ནི་རི་བོང་ཅན་གྱི་འབྱུང་བ་དང་ཟླ་བའི་ལྷ་མའི་གཞིས་ཁང་ཡིན་ཟེར་བ་སོགས་མའི་རིགས་ཀྱི་གཏམ་རྒྱུད་ཀྱི་གཞི་མ་དང་ལྷ་སྒྲུང་གི་དཔེ་ཆ་ཐུག་པོ་ཞིག་ཀྱང་ཡིན་ཟེར་ཆོག།འོན་ཀྱང་ང་ཚོས་ངོ་ཤེས་ལ་ཧ་མ་གོ་བའི་གོ་ལ་འདིའི་ཕྱི་གཟུགས་ཇི་ལྟར་གྲུབ་ཚུལ་དང་ནང་བཅུད་ན་གང་འཆིས་མིན་ལ་དེ་ཙམ་གྱི་བསམ་བློ་འཇོག་མ་མྱོང་།

གཅིག  འཛིན་བཟུང་པའི་ལྟ་བ།

འཛིན་བཟུང་པའི་ལྟ་བར་ཟླ་བའི་གོ་ལ་ནི་ཉི་མའི་ཁྱིམ་རྒྱུད་ཀྱི་སྤྱིར་བཏང་གི་རྒྱུ་སྐར་ཆུང་ཆུང་ཞིག་ཡིན་ཏེ།ལྟེ་དབང་གིས་ས་གོ་ལ་དང་བར་ཐག་ཉེ་བའི་སར་འཁོར་སྐྱོད་བྱེད་སྐབས།སའི་གོ་ལའི་འཐེན་ཤུགས་ཁོའི་གནད་ལ་ཕོག་ཏེ་འཛིན་བཟུང་བྱས་པས།དེ་ནས་ས་གོ་ལའི་འཁོར་སྐར་སུ་འགྱུར་བར་བཤད།

གཉིས།  མཉམ་འབྱུང་གི་ལྟ་བ།

མཉམ་འབྱུང་གི་ལྟ་བར་ཉི་མའི་ཁྱིམ་རྒྱུད་ཀྱི་རྒྱུ་སྐར་མང་པོའི་ཐལ་རྡུལ་དང་རིགས་མི་གཅིག་པའི་རྫས་འགྱུར་ཁག་མང་པོ་གཅིག་དུ་སྒྲིལ་བ་ཏེ་འཇིབ་བསགས་བྱས་ནས་གྲུབ་པ་ཡིན་ཟེར་ལ།ཟླ་བའི་གོ་ལ་ནི་སའི་གོ་ལ་ཆགས་ཚར་བའི་རྗེས་ཀྱི་རྡུལ་ཕྲན་ལྷག་རོ་དག་བསྡུས་ནས་འབྱུང་བ་ཡང་ཡིན་ཟེར།།

གསུམ།  ཁ་ཕྲལ་གྱི་ལྟ་བ།

ཁ་ཕྲལ་གྱི་ལྟ་བར་ཉི་མའི་ཁྱིམ་རྒྱུད་ཐོག་མར་གྲུབ་དུས།སའི་གོ་ལ་དྲོད་ཚད་མཐོ་བའི་རྣམ་པར་ལུས་ཏེ།རང་འཁོར་གྱི་རྒྱུད་རིམ་ཁྲོད་དམར་ཐིག་སྟེང་གི་རྡུལ་རྫས་འབོར་ཆེར་ཞིག་གཡུག་པ་ཡིན་ཞིང་།དེ་ནས་ཉི་མའི་འཐེན་ཤུགས་དང་ལྟེ་བྲལ་ཤུགས་ཀྱིས།སའི་གོ་ལ་དང་ཉི་མའི་བར་སྟོང་ན་བསྐོར་བ་བརྒྱག་བཞིན་པའི་རྡུལ་རྫས་རྣམས་འཇིབས་བསགས་དང་ད་དུང་འཇིག་བརྟེན་གྱི་ཁམས་ཆེན་པོའི་བར་འཁྱམ་ན་ཉུལ་བའི་དངོས་པོ་གཞན་དག་བསྡུ་ལེན་བྱས་ཏེ་རིམ་གྱི་ཆེ་རུ་སོང་བ་དང་གྲངས་ཆགས་སུ་འགྱུར་ནས།ད་ལྟའི་ཟླ་བའི་གོ་ལ་དེ་ཆགས་པ་ཡིན་པར་འདོད།།

བཞི།  བརྡེབ་བརྡུངས་པའི་ལྟ་བ།

བརྡེབ་བརྡུངས་པའི་ལྟ་བར་དུས་རབས་ཉི་ཤུའི་ལོ་རབས་བརྒྱད་བཅུའི་དུས་དཀྱིལ་ནང་།ཨ་རའི་གནམ་རིག་མཁས་ཅན་ཞིག་གིས་ཟླ་བའི་གོ་ལའི་གྲུབ་ཚུལ་གསར་པ་ཞིག་བརྗོད་པ་ཡིན་ཏེ།ཕལ་ཆེར་ལོ་ངོ་དུང་ཕྱུར་46གི་གོང་རོལ་དུ།མེ་སྐར་གྱི་ཆེ་ཆུང་དང་འདྲ་བའི་རྒྱུ་སྐར་ཞིག་གིས་སའི་གོ་ལར་བརྡུངས་བས་སའི་གོ་ལར་འཁོར་ལམ་ཆགས་པ་དང་།གོ་ལ་གཞན་དེ་ཡང་ཆག་གྲུམ་དུ་ཐོར་ཟེར།དེ་ནས་གོ་ལ་གཉིས་བརྡུངས་པའི་གཞིགས་རོ་དེ་དག་ལ་སའི་གོ་ལའི་འཐེན་ཤུགས་ཕོག་ཏེ།སའི་གོ་ལེའི་མཐའའཁོར་རུ་བསྡུས་ནས་ཕན་ཚུན་འཇིབ་བསགས་བྱས་རྐྱེན་ཟླ་བའི་གོ་ལ་གྲུབ་པར་བཤད།།