———————————ཨ་ག་མ
ཟླ་བཅུ་བའི་ཁ་བ་སྟུག་པོ་
མཁར་གྲོང་འདིའི་ལྟེ་བར་ལྷུང་དུས།
མཚོ་སྔོན་མི་རིགས་སློབ་ཆེན་ནི་
དངུལ་དཀར་གྱི་ཡོལ་བས་བཏུམ་པའི་སློབ་གླིང་ཞིག
ཡང་ན་་་
ལྗངས་མདོག་འགྱུར་སོང་བའི་སྡོང་ར་ཞིག
ང་ནི་གསར་དུ་འཕུར་ཡོང་བའི་སྡོང་རའི་བྱེའུ་ཆུང་ཞིག་སྟེ།
འཕུར་ཡུལ་དམིགས་མེད།
འཕུར་རོགས་ངེས་མེད།
རང་དགར་སྡོང་ར་འདི་ལ་ལྡིང་སྐོར་ཡང་ཡང་རྒྱག་བཞིན།
འཕུར་སའི་གནས་དང་
འབབ་སའི་ས་ཤིག་བཙལ་གིན་ཡོད།
འོན་ཀྱང་
འདབ་ལག་རྒྱས་མ་ཐག་པའི་བྱེའུ་ཆུང་ཞིག་ལ།
འཕུར་རོགས་ལམ་སྟོན་མེད་པའི་བྱེའུ་ཕྲུག་ང་ལ།
མདུན་ལམ་རྒྱ་ཆེར་གཏོང་བའི་ཕུགས་འདུན་ཡོད་ཀྱང་།
ཡོད་ཚད་སེམས་ནས་རྟོགས་པའི་གསལ་ཆ་མེད་པས།
སྔར་བཞིན་དཀའ་སྡུག་དང་ངལ་དུབ་ཀློང་ན།
ཁེར་རྐྱང་དང་ཡི་ཆད་ཀྱིས་འཚོ་བཞིན།
རེ་བལྟས་ཤིག་ལ་མོས་ཡོད།
གང་ལྟར་
འདས་ཟིན་གྱི་ལོ་ཟླ་དེ་དག
ཁེར་རྐྱང་དང་ན་ཟིག་དེ་ཚོ།
སྔར་བཞིན་རང་ཉིད་གཅིག་པུས་
གདོང་གཏད་པ་རྐྱང་རྐྱང་ཡིན་པས།
བྱིའུ་ཆུང་ལགས།
ཡིད་ཆེས་དང་སྤོབས་པ་སྐྱེད་དང་།
འབྱུང་འགྱུར་གྱི་སང་ཉིན་ནམ
མ་འོངས་པའི་མདུན་ལྗོངས་དེར།
སྨོན་ལམ་གྱི་འབྲས་བུ་ཐོགས་ཡོད་ལ་།
འོད་སྟོང་གི་གུར་ཁང་ཕུབས་ཡོད།
གཤོག་གསུང་མཁའ་དབྱིངས་ལ་བརྐྱངས་ནས་
ཡིད་ཆེས་ངང་འཕུར་དང་།
བྱེའུ་ཆུང་ལགས།
༡༦-༡༠-༡༡
