老师们,同学们:
大家下午好啊！
我系三中13届1班嘅余晓婷,十分荣幸可以有呢个机会坐起呢度同大家见面。望住你地呢班小鲜肉我就好像见翻从前嘅自己,以前嘅我同你地一样甘青春可爱咖。唔知你地有无谂过点解你地要坐起度听我说话？我又唔系咩成功人士,我只不过系一个岩翻大学一个学期的师姐罢了。如果你宜家唔知点解,甘你听完之后可能就会知道了。
身为你地眼中嘅老腊肉,我行过你地宜家行紧嘅路,虽然我们睇到嘅风景可能唔同,但系我地嘅目标系一致嘅,就系冲出彩虹岭！我冲出去了,相信你地都可以！宜家你地享有更加公平嘅教学资源,完全可以凭自己嘅成绩考上一中鹤华。作为过来人点都要整翻两道秘笈作为福利发放嘅系咪？谂翻起初中好似就系眼前又好似真系过左好耐甘。初中我都系做班长,呢个身份令到我学到好多书本入边无嘅野,例如责任同办事能力处理人际关系等等,希望在座嘅各位班干部或者准备要做班干部嘅同学好好珍惜甘嘅锻炼机会并且做好自己的职责,虽然会有压力但呢个成长经历起你以后嘅生活经验中系好宝贵嘅财富啊！讲翻学习啦,一定要有目标,考一中鹤华定职中雅图士或者出去打工,呢滴都系由你决定嘅,套一句老话,读书唔系唯一嘅出路,但系系最好嘅出路。当年同我起三中一齐读书嘅好多同学都已经出来打工稳钱,而我仲系度读紧大学,条村都会有呢三姑六婆话我甘大个噶啦仲读书洗屋企嘅钱,阿边个边个出去做野比钱翻屋企了,阿边个边个又稳到个好门口准备嫁了。但系！我从来都无后悔过,我好感激自己可以行读书呢条路。如果踏入社会结婚生仔系人生必经阶段,甘点解要甘快结束仅有嘅青春,甘急进入呢？继续读书我可以学更多更多嘅知识,识得更多更多来自五湖四海嘅同学,锻炼更多更多嘅能力。希望你地都唔好比身边认为读书无用嘅人影响到,坚持自己嘅梦想,读书确实可以帮我地逃离农村逃离耕田打厂工追求很高品质嘅生活。实不相瞒,我宜家出去接一份小学家教最低都35蚊一个钟,据我了解入厂上班普遍都只系9到11蚊一个钟,呢滴就系知识创造财富嘅例子。当然,我地唔可以只向钱睇齐。读高中考大学还有好多值得人回味嘅事嘅。
我系起鹤华读高中嘅,当时中考分数731,一中A线737,1同7个音读起身真系好相近,但1同7之间嘅距离就系一万八千蚊嘅差距。因为果阵时仲有AB线,因为钱嘅问题所以我无报b线,命运嘅安排我就去左鹤华啦,宜家地比我地幸运得多了,完全凭实力系可以嘅！如果你以为中考已经好紧张了,甘系因为你仲未经过过高考。你认为初中读书轻轻松松就可以摞全级前几了,但起高中如果你一放松跌到去倒数几多真系好难讲,所以即将中考进入高中嘅同学仔啊,千其唔好掉以轻心啊,要让优秀成为习惯阿嘛系咪？
如果你问我读大学系点嘅？我都唔知点同你讲清楚,但有一点系可以明确嘅,大学系可以自由恋爱嘅。大学嘅学习时间相对自由滴,除左上课,仲会有好多好多社团啊社会实践啊义工服务啊同各种比赛等等等,绝对比初中高中丰富,如果唔系点叫大学系咪？你地睇电视见到嘅大学活动都有,除左宿舍无微微一笑入边嘅甘高级豪华之外,一切都系新鲜而自由嘅,好似上个学期甘,我星期一或者星期五经常无课,甘我就相当于一个星期入边会有3.4日小长假,时间自由,可以去图书馆可以做义工可以参加街舞社轮滑社国学社动漫社活动等等。只要起大学唔颓废,稳到自己嘅人生方向系唔难嘅。起咩地方就识滴咩人,同优秀嘅人一齐自己都会慢慢变得优秀。希望你地都可以冲出彩虹岭然后去很远的地方体验更高的学历生活。
甘今日就同大家讲到呢度啦,虽然无华丽嘅词语无经典嘅手法去修饰我嘅字句,但句句由心而发,我黎唔单止系同你地打鸡血咖,仲有我自己嘅肺腑之言咖,好啦,希望可以比到你地一滴启发或者正能量啦。
多谢大家！
