最近几个月真的很难熬，自从三水翻来广州之后，恍惚所有事情都不顺利，可能系整个社会的缩影，因为疫情各行各业都好不顺利，买基金，基金跌，公司的项目也越来越来少，冇办法，想增加收入只能在下班的时候去换取了；

思前想后，一股脑热选择去送外卖，咬咬牙係原本干涩的钱包里面掏出2k买部电车，希望可以在下班的时候赚赚外快。心谂，成日听D骑手月入过万，我兼职唔使多啦，一个月多2K，第二个月就白P一部电动车了，天真的我又被社会上了一课，钱如果靠体力和时间换取，注定是失败告终；

係呢度我从来冇歧视过骑手呢个职业，其实係我眼中，所有努力拼搏的人都值得尊敬，但你不得不否认，好多骑手都系出身于社会底层，或者佢地冇高学历，从农村来到一个陌生的地方，冇人冇脉靠自己的双手去打拼，但呢个社会始终对佢地充满恶意。你去送单，你唔未必敢催餐，你如果係顾客，催上得慢商家肯定笑骑骑咁认低威，基本的服务态度还是有的。但如果你嘅身份係骑手，遇到一D素质比较低的商家就会摆款比你睇，正眼都唔望你一眼。除了商家之外，路人，的士佬，保安都唔会跟你好好说话，你只要开上人行道就会有机会比路人丢，开上路的士佬灯都唔打就铲入非机动车道话停就停，一个唔小心就容易追尾，如果你开係佢前面就死按喇叭，我自己赶时间有时都会打的，都会听到的士佬係部车里面口吐芬芳丢骑手。保安囖喔，开到小区唔嗝你两句都唔舒服，係门口停多阵都丢下你，问佢边栋係边度都好不耐烦咁，叫你自己搵...

当然，并不是大部分人都会这样，80%嘅人对外卖骑手都非常友好有礼貌，但我觉得人与人之间尊重都应该要存在，凭什么我戴着头盔进来你就要对我充满恶意呢？讲真其实大家都处于社会底层打拼，何必互相歧视呢？

做咗骑手一段时间，真系人生百态尽收眼底，我送过富丽堂皇嘅高档小区，也送过老鼠係我脚边行过嘅城中村单间，印象最深刻的一次就系顺德送餐，穿过田间小路，两旁就系米几深嘅水沟，冇围栏，稍有不慎就好容易掉进去，终于到达一个高速公路桥底，里面密密麻麻排满都是叉车场，最重要灯都冇盏，打了几次电话终于找到买家，送完之后以为一切顺利，电光火石之间听到急速的脚步声，我望了一眼后面只见一个黑影追住我，然后就开始听到狗吠声了，狗吠声震耳欲聋，我都来不及睇佢係咩品种了，将部电鸡开到最快，心谂我唔回头望佢一眼，可能已经比佢偷袭了，咬人的狗通常都不吠，可能被我发现了有点心有不甘只能吠两声魔法输出一下吧；

第二个要讲嘅就系导航，有时候骑手到附近，迟迟送不到餐，唔系佢係度游车河，其实佢真系搵唔到你，特别係城中村里面，密密麻麻的巷子，行错一条，巷又窄，想掉头又唔够位置，只能够化身美国队长凌空抬起台车，手动掉头了，最重要係GPS係里面冇信号，所以当年拉登要是选择窝藏在广州城中村里面，海军陆战队都未必有机会搵到佢；甚至有些过分的导航，叫我走天桥，但当我发现天桥嘅斜坡快要满60°角了，开上去就肯定翻了，有些麒麟臂的骑手硬生生直接就推上去，所以骑手除了同时间斗快，仲要同导航斗智斗勇；

而且好似我呢D日头翻工，夜晚送餐的，係漆黑嘅夜晚里面在没有路灯的小路里面总会遇到杀人沙井盖，致命减速带，稍有不慎就会炒车，遇到下雨天更加硬核，前面的水坑你根本不知道有多深，即使戴了头盔，呼吸造成水蒸气，模糊了挡风镜，你的视野下降50%视力下降80%，根本不敢开快车，刹个制都会打滑，专注度提高两个档位，连导航都不敢看；由于长时间开电动车保持一个动作，每次送完回家肩周位置就好似打完通宵麻将咁，酸痛僵硬一起袭来，每送一张单都系有血有肉兼有泪。

讲真呢种遭遇真系令我感慨万千，作为一个广州本地人，其实可以舒舒服服逗住几千蚊人工，躺平过生活，但有时候生活同样逼住自己，做外卖的商家赚不到钱，送外卖的骑手也赚不到钱，吃外卖的人嫌外卖贵，用个脑谂下都知道，始终都系平台赚钱，所以係呢个社会要赚钱，要用脑，用资本，靠住打工，一辈子都很难出头，我呢种现状唔会维持太久，我需要係一个好的平台去发挥，兑换自己的能力，手里面有资本了，就可以去跳出现在层级；

现在想起来，我对待每一个阶层嘅人都很友好，无论系客服，电销，健身房派传单的，餐厅服务员，外卖员，环卫工，小区保安，巴士司机係佢地撑起了整个社会的底层，让这个社会如常运转，佢地先係真正嘅无产阶级，劳动节係比佢地过，开个玩笑，建议D老板老总资本家五一的时候去做下志愿者，义工吧，佢地没资格过这种节日。所以呢？我真心建议我身边每一位朋友，对于日常遇到过底层劳动者致以崇高的敬意，佢地值得我地每一个人嘅尊重，有时候唔好以为自己顾客就是上帝，赚了你果一百几十咪以为自己好嗨威，讲真佢地唔系冇得拣，你见好多不学无术的人跑去缅甸做电信诈骗，而佢地选择一条正路，勤勤恳恳地为我们服务，有时候多一句唔该，辛苦了对于佢地来说都系一种鼓励，也是自己素质的体验。

最后或者有人好想知道兼职收入有几多，咁我唯有献丑附上一张一晚兼职收入的截图，从晚上8点到12点，由于我不熟悉某些地方路况，怕死！不开快车，所以我好少同时接超过2张单，所以收入不算高，当然有些厉害的骑手对路况了如指掌，车技神乎其技，能穿梭于车群人群之中，跑楼梯好似学过凌波微步咁，一下子接五张单，无迟到，肯定收入高过我，如果你具备神级骑手的能力，做做兼职也是可以，要不然还是舒舒服服待在家里面打王者好过啦；