成日聲稱自己理性消費，拒絕成為購物節奴隸，又呢又路嘅本人，今鋪一樣賴嘢。
就喺幾日前，當我一如以往侍奉兩位貓大帝用完早膳，打開自己個steam準備大開殺戒打返鋪「killing floor 2」嗰陣，眼前竟然出現咗呢嚿嘢。
但係經驗話我知，特賣肯定都係豬頭骨！
事實證明我真係傻豬豬。唔好意思今次特賣係全線。steam啲game又唔係實體冇庫存㗎嘛，邊度有咁多豬頭骨！
……OK你特賣咪特賣囉，做咩要根據偏好過濾推薦game畀我？……推薦都算啦，做乜叉嘢你個過濾要咁乸精準？
成個系列次世代ver我買晒㗎啦，放過我啦卡婊
面對呢個banner排版雖然亂9噉嚟，但係一個又一個實打實做緊三四五六七八折嘅game同game package，我體內嘅腦殘粉基因又忍唔住爆咗少少出嚟。
最後望住個購物車，我得一種感覺。
「買囉！」
個discount持續到1月3號，各位機友自求多福啦。慳家嘅我都係買咗半打game咁上下啫。出年特賣之前一定（或者）玩得晒㗎！玩開老翻嗰啲當我冇講過。正所謂四海之內皆兄弟，game for fun not for fight, peace!
